...تعالى يا شهر الصوم🌼
الكاتب_الشاعر أ. أيمن نصر
🍀🍀🍀🍀🍀🍀🍀🍀🍀🍀
( تعالى يا شهر الصوم )
بقلم ( أيمن نصر )
*******************
تعالى ولم العيلة
نتجمع ونخف الشيلة
تعالى دي همومنا تقيلة
تعالى وجيب فوانيس
إن شا الله بسعر رخيص
تخلي عيالنا تهيص
تعالى وجيب الفرحة
لقلوبنا الحزينة الصالحة
يتبدل همومها لفرحة
تعالى وجيب شراشيب
وبمب وصواريخ ف الجيب
وتمر و ياميش وزبيب
وعزومة تلم قريب
تعالى وجيب البركة
وفرخة و وزة وبطة
و هات م الكنافة شنطة
وقطايف جواها خلطة
وعصاير تمر وخروب
وقمر الدين المحبوب
وهريسة وبسبوسة طازة
وعصاير في كل إزازة
وطلبات ملو الكراسة
تعالى وهات الفول
وزبادي من غير ما نقول
وسحور كتير معمول
تعالى وجيب قرآن
ومدفع بعديه آدان
ودعوة لأجل الرحمن
يرحمنا يوم الفرقان
تعالى وجيب تروايح
وصلاة ودعا وتسابيح
و جوامع زاينة المصابيح
تعالى يا شهر الصوم
بنسايم إيمان بتحوم
تلاقيها منين ما تقوم
تعالى و معاك الراحة
وسكينة وقلوب مرتاحة
بالذكر القلوب صداحة
تتمنى بكل صراحة
تتبدل عيشتها لراحة.
بقلم ( أيمن نصر )
دمتم في رعاية الله.
تعليقات
إرسال تعليق