....صدقيني🌼
الكاتبة المتألقة_ الشاعرة أ. ميرفت هلال
🍀🍀🍀🍀🍀🍀🍀🍀🍀🍀🍀
صدقيني
خدي بالك عليا
و اوعي في يوم توجعيني
لملمي شتاتي
و جوة قلبك جمعيني
املي حياتي بحبك
ازرعيني جوة قلبك
و ردي بصري لعيني
صدقيني .......
قبلك كنت تايه في الحياة
واصل يأسي لمنتهاه
جيتي .. رجع النبض لوتيني
بعد غربة روح طويلة
شغلتي روحي العليلة
احتويني و بوجودك اشغليني
خدي بالك عليا
و لو غلطت يوم في حقك
أرجو دايما تعذريني
و اوجدي لي ألف عذر
و اغفري لي و اسمعيني
صدقيني ....
قلبي عمره ما دق قبلك
حتى إنه مش مصدق
إنه عرفك . إنه حبك
إنتي عشقي .. صدقيني
خدي بالك عليا
روحي من غيرك عذاب
اوعي تكوني في يوم سراب
للسعادة رجعيني
اروي عطشي للحياة
و في عيونك الدافية احضنيني
إنتي عشقي و لو ف يوم سبتي إيدي
يبقى للجحيم و يأسي بترجعيني
اعشقيني .... جملي أيامي
و بحلاوة روحك جمليني
امنحي قلبي الأمان
ارحميني من ظلم الزمان
احفري اسمك جوة خطوط جبيني
صدقيني ... إني من غيرك أتوه
روحي من غيرك تروح
قلبي مش ناقصه جروح
زي طفل برئ في حضنك طمنيني
اسمعي همسي و كلامي
بس أمانة في كل كلمة
تصدقيني ....
صدقيني ..
بقلمي مرڤت هلال
سلم الفؤاد الذي نثر
ردحذف