الشاعر.. جمال رمضان.. يكتب..الله يسهله.
( الله يسهله )
وإللي سهرت ليالي علشانه
وإللي بكيت في ألمه مكانه
هو هو إللي بيجرحني
ودعني وكمان قالهالي بلسانه
قالي إللي بينا ماكانش غرام
وإن الحب كلام في كلام
وعمري أنا إللي ضاع مني
حتى ده كمان قال أوهام
أقوله إيه أنا شعري شاب
وألا الزمان ده كمان كداب
والتجاعيد إللي في وشي
فين وفين أيامك يا شباب
يعيش حياته بعيد عني
ويسيبني أدور على سني
هرجع أعشق وحدتي
لا أنا من حد ولا حد مني
ألشاعر
( جمال رمضان )
تعليقات
إرسال تعليق