الشاعر.. جمال رمضان.. يكتب..شموع.
( شموع )
ما إنت طفيت كل الشموع
فات الأوان ما فيش رجوع
ضيعت احلى سنين عمري
نشفت عنية مفهاش دموع
ولسة جاي عاوزني اسامحك
دنا حلم عمري أتمنى جرحك
إنسى زمان وليالي زمان
ايام ما كنت أنا إللي بصالحك
إنسى زمان وإنسى إللي كان
الدور عليك تعيش ندمان
وتشرب من نفس الكاس
أنا قلبي بقه من غير عنوان
وإللي فات كله أنا أنا هنساه
كانه طير ربيته حبيته وتاه
هعيش لقلبي إللي جرحته
وهشوف حبيب غيرك وألقاه
ألشاعر
( جمال رمضان )
تعليقات
إرسال تعليق