.... بدون ضمان🌻
الكاتبة_ الشاعرة أ. تهاني بركات
🍀🍀🍀🍀🍀🍀🍀🍀🍀🍀
بدون ضمان.....
آخر مرة كتبت عنك
لقيت كلامي ما عجبنيش
أصل بصراحة حروفي هربت
و عجز كلامي ما وصفكيش
يومها زعلتي مني
بس قلبك ما عاتبنيش
سكت الكلام
و البرود ساد المكان
جرحتك لما قلت...
هجرت حبك من زمان
و إن قلبك خسر الرهان
و إن قربك ما بقاش أمان
قلت حبك فقد قيمته
عديم الفايدة بدون ضمان
ما ياما سهرت و سهرته
و كان الآمر الناهي
كانت سيرته تخدرني
و أفقد إحساسي بزماني
ياما حسدوكي على حبي
و قالوا عليكي سحرالي
طلع حبك ماهش جنة
طلع عادي و مش عادي
قدرت أعيش أنا ف بعدك
ساكني روح واحد تاني
صحيح شبهي في ملامحي
لكن جواه بقى فاضي
و لسه عينيكي شغلاني
بدور في النجوم عن معنى
لنظرة طالعة هربانة
و من كتر الهموم حايرة
عطشانة و دبلانة
في كل مرة كنت أشوفك
كنت أخاف
و أسأل نفسي ميت سؤال
ليه سكاتها بيحير
و ليه طريقها متغير
و أبات ليلي بتخير
ما بين جرحك و بين صمتي
فضلت سنين ساجن نفسي
في غربة بين حيطان رسمي
أنام و أصحى على همسك
تزيد أشواقي لعنيكي
تهاني بركات ٣١ / ٥ / ٢٠٢٣
تعليقات
إرسال تعليق