انا مخصماك.. بقلم الشاعرة.. منى شحاتة.
( انا مخصماك )
بقلمي (منى شحاتة)
جمهورية مصر العربية
لأ لأ أنا مخصماك
لأ لأ ومش عايزاك
روح يلا ابعد عني
واوعى تكلمني
يلي تاعب قلبي
روح يلا بقى وامشي
اوعى كده من وشي
لأ لأ مبكلمشي
لأ لأ أنا زعلانة
منك أنا غضبانة
آه يانا آه ياغلبي
آه ياوجع قلبي
ليه بس حبيتك
يارتني مارأيتك
ولايوم أنا جيتك
روح سبني بقى ف حالي
كفاية ماجرالي سهرتني ليالي
وانت بالك خالي
ولايوم جيت على بالك
روح يلا شوف حالك
مالكش دعوة بيا
كفاية ياعنية كل ما جرى ليا
تعاليلي هنا يامة شوفي ايه جرى لبنتك
قلبي مش لقياه
خده يامة خلاص وياه
ليه بس أنا ماشيته
يارتني ما اديته
مفتاح قلبي معاه
خلاص بقى يامة
خلاص انا مضطرة
هروح واجري وراه
راح اسامحه المرة دي
واهو كله يامة ثواب لله
تعليقات
إرسال تعليق