....خدعني قلبي🌼
الكاتب_ الشاعر أ.رفعت التميمي
🍀🍀🍀🍀🍀🍀🍀🍀🍀🍀
خدعني قلبي،
لما سهرني في هواك،
وروحي إللي تاهت،
وقالو من إمبارح معاك.،
على بالي إنت،
ياللي عمري ماجيت في بالك،
ياريت أنساك،
زي مابتنساني لساعات،
حقيقي شكراً،
حتى لو منك حزين،
منا برضو منك،
إتعلمت كتير حجات،
إتعلمت أقسى عادي،
إتعلمت أسرح في غيرك،
إتعلمت اكتم واداري،
وبعدك عني يكون مصيرك،
إتعلمت في وقت جرحك،
أغيب لو فيا كان شفاك،
ضيعت من عمري الليالي،
عايش على الوهم في خيالك،
إسأل رمشي،
إللي منامشي،
وإسأل قلبي،
إللي كانت دقاته عشانك،
هنت عليك،
مفيش مرة تسأل،
وأنا إللي مفكر،
عندك زي الفرض لصلاك،
خدعني قلبي،
لما سهرني في هواك.
وروحي إللي تاهت،
وقالو من إمبارح معاك.
ــــــــــــــــــــــــــــــــــــــــــــــــــــ
بقلم / الشاعر رفعت العربي التميمي
خالص تحياتي وتقديري 🙏
تعليقات
إرسال تعليق