الأستاذ... جمال رمضان... يكتب..علشانك إنت. .
(علشانك إنت )
عشانك إنت نفسي أنسى إللي فات
وإللي يقسى أعتبره بالنسبالي مات
بسببك إنت وعشانك إنت
لازم أمسح من عقلي كل الذكريات
كنت بداري آلامي وأضحك في وشك
كنت بصارحك ولا فكرت يوم أغشك
بسببك إنت وعشانك إنت
كنت عامل قلبي ليك إنت زي عشك
كنت بتاسفلك وتكون إنت الغلطان
كنت وراك زي ظلك في كل مكان
بسببك إنت وعشانك إنت
أنا إعتزلت كل الغرام قبل الاوان
هنسى كل حاجة بتفكرني بيك
وأنسى كل كلامك إن أنا ليك
بسببك إنت وعشانك إنت
هنسى حبي وأنسى جمال عنيك
الشاعر
( جمال رمضان )
تعليقات
إرسال تعليق