متخافيش بقلم الشاعر محمود صبحي
متخافيش
هو ليه لمّا طيفي عليكي
عدّى هوب فجأه مالقِتكِيش
إنتي فاكره إني جاي وإني
فيكي وجوّه حضنك
نفسي اعيش
إنتي فاكره إني أنسى إني
كنت وكل حبي و الغرام
ما يساويش
وإني كنت حاله عندك
أيوا حاله
أيوا كنت معرفكيش
والغرام والوئام والهيام
كله كله كان كلام
ألف رحمه ونور عليهم والسلام
يا سلام كان مجرد
بس فكره وأكل عيش
مش ناسيكي آه وربي
صدقيني
حد ينسى اللي باع
واللي كان واللي خان
حد ينسى اللي فات
واللي مات و اللي هان
عليه غرامي وراح يعيش
لو انتي خايفه م المواجهه
إني أعاتب أو ألوم
على جرح
عُمره ما يتنسيش
كنت بس معدّي فجأه
قلت امسي
ع الحبايب و الصحاب
ما تتعوجيش
ولو غرامي يوم وهَفِّك
ويّا نَفسِك .
أصل تاني عن غرامي
خلاص مفيش
قفلت بابي جوّه مني صدقيني
إوعي تاني تجري مني متخافيش
محمود صبحي
تعليقات
إرسال تعليق