الأستاذ.. أسامة جديانه.. يكتب..أنا مش كل أمانيكي.
أنا مش كل أمانيكي
أنا كلمه و قولتيها
أنا رسمه رسمتيها
على الجدران
في وسط ميدان حفظتيها
بقيت لعبه في إيد صبيان
والكل بقى يلعب بيها
أنا نقشه على الرمله
وبيت بجنينه عشتيها
و جه الموج و هدمها
من غير أساس بنتيها
أنا كلمه في وسط ديوان
بدون قافيه كتبتيها
وسيبتيها ورمتيها
ما خطرش في بالك تقريها
ما انا لحظات وعشتيها
كأني فاظه أو تابلوه
ومع الزمن أهملتيها
أنا ورده في بستانك
من غير شوك يحميها
وجيتي انتي بكل قساوه قطفتيها
و لا يوم فكرتي ترويها
أنا مش حبك مش عشقك
أنا لعبه لعبتيها
ياريت ياحبيبتي تنسيها
ولو فكرتي يوم تعودي
ما تلاقي حاجة تلعبي بيها
أنتي بالامس كسرتيها
لا تنفع لعبه لغيرك
ولا انتي تلعبي بيها
أنا قلبي بينزف أسى
هداويه بإيدي مش بإيديها
(((أسامه جديانه)))
تعليقات
إرسال تعليق