....ابن النيل🖤
الكاتب_ وليد حسانين_ يكتب
🍃🍃🍃🍃🍃🍃🍃🍃🍃🍃
إبن
النيل
للبلياتشو!!
بَطَلْت أقول الآه
ورجعت أقول الله
قالوا عليا عاشق
رب السما في عُلاه.
ح افضل أنادي. الخالق
مهما يقولوا الناس
واحد ضِمْن الخلايق
صوتهُ صداه إحساس!!.
هما البشر كده ليه
سوق العقول ب بلاش
ولا القلوب فيها إيه
قطر الحياة قشاش!!!
راح زمن الكلام
والكُلمة في الإنعاش
تُهنا وسط الزحام
حتى الزحام غشاش!!!!
اضحك وغني وعيش
مهما تعيش في رحيل
أحسن تعيش درويش
ولا تعيشها ذليل !؟
دندن وارقص. هيّص
عيش عابر سبيل
تصبح نيون وافيش
ولا تكون قنديل!؟
جيت الحياة فرحاااان
عايش سنين وسنين
زارني الكِبّر حيراااان
ما بين شطين حنين!!
يسألني ع اللي كاااان
والدمع مالي العين
عطر الأماكن هااااان
ولا الفُراق لهُ عينين!؟
آه يا زمان الوجع
آه يا عيون الليل
راح وغاب الجدع
سايب طريق ودليل
حكاية مافيهاش بدع
كاتبها إبن النيل
وشوش. آذان الودع
نفسهُ ب ايدين منديل!!
رجع يقول الله
بدل حروف الآه
لفظ الجلاله معاه
فرشهُ ومنه غطاه
ركع لربهُ وسجد
وسجوده أصله حياة
دعا ودعاءه مدد
حلمهُ بشط نجاه
كلمة ومتكلمة
أعظم ما فيها ( إله)
شعر
عامي
للبلياتشو
وليد حسانين
30/3/2022
القاهرة..مصر..
تعليقات
إرسال تعليق