الأستاذ. جمال زكى عينر.. يكتب...ومش هشكي.
( ومش هشكي ) :
ومش هشكي ومش هحكي
ومش راح اعيش في احزاني
ولا ع الماضي راح أبكي
ومش راح احن لزماني
زمان القسوه عدى وراح
وانا مش ناوي افكر فيه
ومش ناوي أداوي جراح
ما دبل الجرح باللي فيه
وليه أشكي وانا عارف
مفيش غير دمي في وريدي
ودمعي لو في يوم ذارف
ما يمسح دمعي غير إيدي
هعيش عمري اللي باقيلي
ولو كان ساعه او لحظه
وهبعت للهنا يجيلي
واعيش وياه ولو لحظه
هعَوِّد عيني ع البسمه
هنسيها الأسى والدمع
وهخطف م الهوا نسمه
واقيد ليلي بضي الشمع
وهكتب ع الشموع شعري
لنفسي واحكي عن نفسي
ومش عايز دموع تجري
تكون همي وسبب يأسي
خلاص ما خاصمت احزاني
ولملمت اللي راح مني
وِرِجعِت فرحتي تاني
يا هم إبعد بقى عني
يا هم إبعد بقى عني
بقلمي الشاعر جمال زكي عينر
تعليقات
إرسال تعليق