الأستاذ.. أحمد سرحان.. يكتب..الصبح حياه.
الصبح حياه
********بالعامية المصرية
بقلمي/أحمد سرحان
🌴🌴🌴🌴🌴🌴🌴🌴🌴🌴
(١)
تصحَى وتتنفسْ
نوركْ يا صبح حياه
وريني فين دربي
أجري وأدوب ف هواه
دا الورد من فرحه
رقص الندى وشذاه......
🌹🌹🌹🌹🌹🌹🌹🌹🌹🌹
(٢)
والنخلة طالعة لفوق
عالية بتدلع..
عمالة تحكي بشوق
وتنادي علي طيري..
غنّي بأعلى الصوت
خلّي الوجود يسمع..
دي الأرض نبتانا
فيها الحياة والموت
والصبح لما يهل
تحسّه يتنفس
غنّي يا طير بضياه...
🕊🕊🕊🕊🕊🕊🕊🕊🕊🕊
(٣)
والنسمة حواليهم
بتصحي فينا الوجد
والنيل بيسقيهم
ميّه بطعم المجد
والصبح يتنفس
نفسك يا صبح حياه
دا الكل بيك يهمس
سَبّح عظيم ف سماه....
بقلمي
أحمد سرحان
صعيد مصر
تعليقات
إرسال تعليق