.....ارزاق مقسومة🖤

 

الكاتبة _الجميلة احسان صادق _تكتب

🍃🍃🍃🍃🍃🍃🍃🍃

🌴 أرازق مقسومة 🌴

بنضحك ياما عايشين يومنا

ولاحدش داري بأحزانا

جوانا آلامنا بتوجعنا

وحياة عايشينها بلا معنى

وندور على فرحة تزورنا

ناس بتضحك في وشوشنا

ومن ورانا بتقطعنا

وقلق وخوف يهد فينا ويكسرنا

وصحاب ياما راحو فارقونا

كانوا ينسونا أحزانا

سابونا ومشيو من غير رجعه

سايبين في عينينا كام دمعه

عايشين نتشوق كام ذكرى

محفورة بأرواحنا وقلوبنا

أنا دايما كلمتي و بقولها

متبصش عالناس من بره

وتقول دي حياتهم مية شمعه

والضحكة أهي دايما مرسومة

أصل الدنيا دي أرزاق مقسومه

رزقك هتاخده هتاخده

من حزن وفرح. فوق

 الوشوش تملي موشومه

وناس كتير محرومه

بس قلوبهم عمرانه

يمدوا إيدهم للمولى

دعاء وصلاة وعباده.

وناس معاها كتير ياما

فلوس وشهرة بزياده

بس قلوبهم أبدا ما داقت

ولا عرفت معنى السعاده

احسان صادق