...سألت الناس🌼
الكاتب_حمدي البوقي
🍀🍀🍀🍀🍀🍀🍀🍀🍀
سألت الناس؟
__________
لما قالولي
الأرض اتحررت
رجعت من وحدتي
ادور ف الوشوش
عن الصحاب
عن أهلي
عن البيوت
ولما سألت الناس؟
استغربت السؤال! ! !
كان فيه هنا
النخله العجوز؟
كنت سايب هنا ارغول؟
وغناى والموال؟
ولما سألت الناس
استغربت السؤال! !!!
النيل كان هنا
لالا كان هناك
المكان غير المكان
الشمس هربانه
صرخت سألت الناس
استغربوا السؤال! !!
كلام ناس بلدنا
أصبح غير الكلام
رجعت أجري
بعدت عنهم
لملمت شنطتي
وخدتني خطوتي
لمفارق السكك
ووقفت وحداني
زي عمود الملح
وسط الرمال
ولما سألت
ما لقتش ناس
الناقد
حمدى البوقي
تعليقات
إرسال تعليق