...أنا المفتون🌻
الكاتب_ عبد الله العزالي
🍀🍀🍀🍀🍀🍀🍀🍀🍀
♡انا المفتون بموالها♡
أنا المفتون بموالها
مع أنه كتير متعاد
مجنونة هي بأفعالها
وكل يوم بنشوف معاها
حال
يوم تضحك بقى لينا
ويوم الدمع ده سيال
فقلت اكلمها يمكن ترق
عالينا ونشوف حال غير
الحال
فقلت أنا الغلبان أنا فيكِي
وبعافر أنا فيكي وأنا الشقيان
بنيت فيكي بأحلامي شكل
حياتي
وقلت الفجر بكرة جاي بأنواره
ومع نوره هيمحي الليل وظلامه
ونشوف بسمات على وجوهنا
وبالسعد نعيش أيام
وقبل الفجر مايشقشق
ويادوب الحلم لأوراقه بيفرد
والبسمة علينا جاية تزحف
والأمل في عيونا كبر وبان
عملاق
جه إمبارح قبل اليوم وقال لي
كلام
يانايم وفاكر الأحلم هتتحقق
دا إنت صحيح غلبان
دا إنت طول عمرك هتعيش فيَّا
انا امبارح* مش يومك
فاليوم سرقوه بقى منك
وبكرة منهم صبح هربان
وتاني قال لي وعاد لي في كلام
إنت مين عشان تحلم؟
تحلم في يوم تعيش احسن
دا إنت هنا فقير غلبان
فصرخت وقلت آه يادنيا بشكيك وهسألك ألف سؤال
إمتى هشوف فيك أنا البسمة
ويتغير بالفقير الحال
....
عبدالله العزالى .
تعليقات
إرسال تعليق