...بسمة عينك🌻
الكاتب_ احمد سلاطين
🍀🍀🍀🍀🍀🍀🍀🍀
شعر غنائي بعنوان
بسمة عينك
********
أيوه يا غالية يا فرحة عيني
عمري فداكِ و ليكي حنيني
ازاي افكر ابعد ثانية ؟!
دانتي ب تسري جوا وتيني
وإنتي البسمة اللي بتحييني
أما عن العزال و كلامهم
أكسر خاطرك دا ف أحلامهم
دا إنتي غرام وفتاة أحلامي
ولا عمري هسمع لملامهم
مانتي البسمة اللي بتحييني
عمري ما كنت ف يوم بتعالى
لو ب تغيبي . . ببقى ف حالة
بلقى حياتي بدونك صحرا
و فكرة بعدك حاجة محالة
مانتي البسمة اللي بتحييني
عمري ما ابعد حتى ف هجرك
واما تعودي ويشرق فجرك
تلقي القلب . . يكون متلهف
وبعيش صاحي ونايم فاكرك
مانتي البسمة اللي بتحييني
عمري في يوم عنك مااستغنى
كل قصايدي ف وصفك مغنى
علشان روحي دايبة ف روحك
وأنا طول عمري بِعشْقِكْ أغْنَى
مانتي البسمة اللي بتحييني
قولي بحبك ليه كدا ناسية
وبتعملي جبارة وقاسية
دانا من يوم ما قابلتك فاكر
انك حاسة بحبي و راسية
مانتي البسمة اللي بتحييني
يا للا اوام هنيني ب قربك
دانا حلمي اني اكون جنبك
يتلون عمرنا ... وحياتنا
واغزل فرحة قلبي بحبك
مانتي البسمة اللي بتحييني
بقلم أحمد سلاطين
تعليقات
إرسال تعليق