الأستاذ... مروان هلال.. يكتب...خلاص معنتش قادر.
خلاص معنتش قادر
هكتب واقول وحشتيني
يا ماليا عمري وسنيني
يا معيشاني في غربتك
بحبك
لو تسأليني
هقول الدنيا من غيرك سراب
ومتحنية بعذاب
عذاب قلب مشتاق يخبط على الأحباب
ويطل في عيونهم
ينسى عذاب سنوات
مرت بلا نورهم مرت بلا حضورهم
كانت سنين مرة مات فيها الإحساس
إحساسي كان نفسه
يقابل أجمل ملاك
طيب خلاص جرحه
حافظ حروف إسمه منقوشة في وتيني
ساكن ما بين ضلعه
لكنه ليه غايب
من فرقته دايب
مكسور انا الجناحين
لو طل بعيونه تتردلي تاني
واقوم من تاني
ويرفرف الجناحين
دا هو ضي العين نورها فدى قلبه
والله انا بحبه
بقلم مروان هلال
تعليقات
إرسال تعليق