.... مش بسأل🌼
الكاتب_ الشاعر أ. رفعت التميمي
🍀🍀🍀🍀🍀🍀🍀🍀
مش بسأل ولا هسأل،
في إللي حاطتني في الممنوع،
وأقل بنفسي ليه، متقل،
أروح له إزاي وأنا الموجوع،
كررها كتير وأجي اعاتبه،
يتحجج لي بمية موضوع،
يادوب يرفع لي في حواجبه،
وعنيه تهرب ما قابلة رجوع،
حكايته غريبة فيها إنَ،
بيخلق لي زعل مصنوع،
ياترى إيه إللي خدو منا،
ومش ظاهر ولا مسموع،
وحياة قلبي إللي بعشقه،
سهر ليلة في حيرة ودموع،
إن ما داق من الكاس إللي شربته،
ومن ُمره إللي مش مبلوع،
ماهرجع ليه ولا هسأل،
ومن حياتي ليكون مرفوع،
مش بسأل ولا هسأل،
وحبيبي حاطتني في الممنوع.
ـــــــــــــــــــــــــــــــــــــــــــــــــــــــــ
بقلم الشاعر رفعت العربي التميمي
تعليقات
إرسال تعليق