...خلينا اصحاب🌻
الكاتبة المتألقة_ الشاعرة احسان صادق
🍀🍀🍀🍀🍀🍀🍀🍀🍀🍀🍀
** خلينا أصحاب **
خلينا أصحاب.. أهي كلمة وبنقولها
طاب بس ازاي رد جاوبني نرجع أصحاب
وفي يوم يا حبيبي كنا أخلص احباب
طاب قولي ازاي بتقولي أرد الباب
ونشوف بعض ونسلم زي الأغراب
أنا كنت بس أما أسمع صوتك
ألاقي الجرح اللي. واجعني
على طول طاب..
بكفاية خلاص ومتوجعنيش
أنا قادرة من غيرك أعيش
بس الفكرة راح أعيش ازاي
بس بكفاية متقطعنيش
بتقول أصحاب.. ونكون أغراب
آه ياني من ظني فيك أهو خاب
يلا امشي بلاش أرجوك
أنا مش هتحمل.. ومتجرحنيش
كل اللي كان بينا بتقول
عليه.. خيال..راح على فشوش
وأقولك فين راح حبنا..؟؟
تقولي بكفاية ومتسألنيش
مش راح أقولك خليك و متمشيش
فارق.. ما تفارق ما يهمنيش
بيك أو بدونك والله هأعيش
بقلمي / إحسان صادق
تعليقات
إرسال تعليق