... لعب زغار🌼
الكاتب_ الشاعر أ. معن حمد عريج
🍀🍀🍀🍀🍀🍀🍀🍀🍀
قصيدة غنائية باللهجة السورية
《 لعب زغار 》
مش قادر عنك خبّيها
وإحفظها مع الاسرار
أول مرة شفتك فيها
قلبي مني رف وطار
روحي بسحرك ذوّبتيها
وحسيت إني عليكي بغار
من كل قلبي بدي احكيها
حبّيتك يا بنت الجار
صرت إسهر عالبلكون
إستنى وجهك ليطل
حامل بايدي التليفون
وفيروز تصدح سكن الليل
إتصرف مثل المجنون
مرة ضل ومرة فل
إشرب متي بالليمون
وفصفص بزر مع بوشار
إصحى من الصبح بكير
إطلع وإسقي الوردات
وعيني عليك مثل الطّير
الحُر ويدور صيدات
ما تملا عيني العصافير
ولا حَمَام ولافراشات
بدي اياكي بشغف كبير
وجوه قلبي مولع نار
لمسة إيدك إحلم فيها
ووجهك عن عيني مايروح
شفافك كرزي محمرتيها
بوستها بترد الروح
بحبك كلمة لو قلتيها
بلسم بيشفي الجروح
دخلك شو بدي سميها
حب ولا لعب زغار
بقلمي معن حمد عريج
تعليقات
إرسال تعليق