... ارجعي لي🌻
الكاتبة_ الشاعرة أ.امال محمد عبدالله
🍀🍀🍀🍀🍀🍀🍀🍀🍀🍀
ارجعي لي
اليوم يومك يا غالية
وانتي روحتي في حتة تانية
نفسي يرجع عمري بيكي
نفسي أشوفك بس ثانية.
ثانية أطمن قلبي عنك
ثانية أقول اني بحبك
واني أسف بعتذرلك
دلوقتي بس عرفت قيمتك
ياما غبت عنك ليالي
وأقول أكيد مستنياني
كنت شايف بس حالي
يعني هاتغيب عني فين
ورجعت من غربة سنيني
دمعة مرة بتكوي عيني
فينه القلب اللي حاميني
سابني فجأة ماقلش ليه
ارجعي لي هاكون مرايتك
مهما قولتي هاحفظ حكايتك
مش هاقول خلاص سبيني
بس ثانية ترجعي لي
حياتي من بعدك غريبة
غيبتي ماقولتيش الطريقة
أمي مش في واحدة تانية
نفسي اشوفك بس ثانية
ارجعي لي
آمال محمد عبدالله الوغى
تعليقات
إرسال تعليق