.... عيون حبيبي🌼
الكاتبة _ الشاعرة أ. إحسان صادق
🍀🍀🍀🍀🍀🍀🍀🍀🍀🍀🍀
** عيون حبيبي **
أنا لما بشوف نظرة عينه
بسرح بخيالي وروحي تروح مني
وقلبي المسكين بيزيد دقاته
لما بيهمسلي ويكلمني
أحلامي ترقص وتغني
والضحكة الضايعة قوام ترجعلي
والحزن يبطل يراودني
أنا لما بشوف بصته ليا
حالي بيتلخبط.. وقلبي بيزقطط
أحاسيسي ياناس. كده تتنطط
والنبض قوام كده يلاعبني
وأفضل على حالي
معرفش أنا مالي
عيونه حكايتي وموالي
قولولي أروح أنا فين منهم
ماهو عايش على طول ويايا
ملازمني ف صحوي ومنامي
بوجوده يتغير حالي
وأطير وياه كده بخيالي
والله لأكيد بيه عزالي
ماهو أصله دايب في جمالي
وأنا دايبة ياناس كده ف النظرة
من غيره بكون دايما تايهة
مقدرش ف يوم أبعد عنه
عقلي وحبيبي وروح قلبي
وهيفضل طول عمره الغالي
بقلمي / إحسان صادق.
تعليقات
إرسال تعليق