الله خير حافظ.. بقلم.. منى شحاتة.
(الله خير حافظ)...
بقلمي ((منى شحاتة))
جمهورية مصر العربية
اجتمعوا مع بعضهم...
والشيطان في وسطهم...
نساهم ربهم ...
لكن ربك ليها حارس...
بعتلها منهم فارس...
أنقذها من وسطهم.....
البداية يوم مااجتمعوا قال واحد منهم....
إلحق ياواد أنت وهوه دي البت بتضحك وتهزر يعني كمان بت خفيفة...
حلوه اهي وظريفة....
أمال ليه عامله معانا فيها شريفة.....
بص بقى أنت وهوه أنت تجيلها من هنا...
وأنا أجيلها من هنا....
ونحوطها كلنا ....
ونخليها في وسطنا زي الكورة في رجلنا....
ونلعب بيها كلنا....
وأهو شوية نتسلى مع بعضنا....
رد الشريف قالهم حرام عليكم سيبوها وابعدوا عنها ....
الله أعلم بحالها...
أنت ايه عرفك بيها....
مش يمكن بتضحك من غلبها... ربك عالم بيها... وباللي في قلبها....
حتى في ضحكتها بتحسدوها... ومنها عايزين تخدوها.....
ياه عليكم وعلى إفتراكم وظلمكم.....
فين تروحوا من ربكم.....
اللي إختشوا خلاص ماتوا واللي مااختشوش عاشوا.....
بص يابني أنت وهوه في درس راح أعلمهولكم.....
مش هقول فين ضميركم.....
وفين النخوة والمروة.....
نسيتم أن ليكم زيها أخت ولا عمة ولا خالة ولا حتى ست الكل أمكم....
وأخيراً راح أقولكم.....
فين هتروحوا من ربكم هو شاهد هو عارف إفتراكم... عليها وظلمكم.....
أنا هدعيلها ربي يحفظها منكم ومن شركم...
وهو القادر ... يبعدكم عنها ويردكم.....
((نظرة بعض الأشخاص للفتاة بالفيس))
تعليقات
إرسال تعليق