.... رجعني ليك🌼
الكاتبة_ الشاعرة أ. احسان صادق
🍀🍀🍀🍀🍀🍀🍀🍀🍀🍀
** رجعني ليك **
معقول يا حبيبي بعدنا
واحشني ومشتاقة لجمال لياليك
فاكر لما كنا نسهر ويا القمر
ونتسامر ترقص الضخكة ف عيونا
ترتاح روحي وأنا بين إيديك
وأما كنت تزعلني وأخاصمك
واقولك روح و إبعد عني
كان نبضي ساعتها يصرخ
ويقولي كفاية.. حرام عليك
ترجع تحاول تفضل تتحايل
وتبص عليا ألمح الشوق
ملهوف جوه عينيك
وتقولي آسف يا حبيبتي
ألاقيني ف ثانية بجري عليك
تحضن وتطبطب وتقولي
سامحيني يا قلبي
ساعتها أخدك في حضني
منايا بين ضلوعي أخبيك
وبنظرة عتاب مليان بحنين
أقولك كده برضوا أنا هنت عليك
تنزل دموعي على خدي
تمسح دمعتي.. وتاخدني ف حضنك
في لحظة أنسى زعلي
نفسي عن كل العيون أداريك
طاب ممكن أقولك كلمة
تحييني ياقلبي وتحييك
مش قادرة على بعدك ياعمري
كفاية فراق و رجعني ليك
.... رجعني ليك
بقلمي / إحسان صادق
تعليقات
إرسال تعليق