الشاعر.. جمال رمضان.. يكتب...عشان الحب.
( عشان الحب )
معقولة تشوفني وأنا بتألم
معقولة تروح لغيري وتسلم
عندك حق عشان حبيتك
تقول للناس خليه يتعلم
معقولة قلبي أنا إللي يخدعني
وإزاي يسمح ليك إنك توجعني
عندك حق عشان حبيتك
تشتري فيا وكمان بتبيعني
وحياة حبي إللي حبتهولك
نفس الكاس ها شربهولك
هبعد عنك وهاحب غيرك
وهنسى كل إللي وعدتهولك
ما كانش حب ده كان حكاية
ماكنتش ليا ولا كنت معايا
تودعني وإنت إللي إبتديت
يبقى أنا بقه حقي النهاية
ألشاعر
( جمال رمضان )
تعليقات
إرسال تعليق