عضو جديد.. بقلم الشاعر...ربيع محمود طلبه.
عضو جديد يشرفني الانضمام
إلى هؤلاء النخبة من المبدعين
أجمل تحياتي لحضراتكم جميعا
اسمحوا لي بنشر هذه الكلمات
ولكم جزيل الشكر
أنا روحت السوق أشتري غربال
وقلت أراجع حياتي
من أيام ماكنا صغار
لقيت الناس ألوان وأشكال
في ناس أغلى من الدهب والمال
وفي ناس ولا تسوى حتى نص ريال
وناس كل حياتها كلام ف كلام
لكن في الشدة بيظهر معدن الرجال
وتلاقي وقوفهم معاك
افعال مش مجرد كلام
وناس بتبقى مجروحة وتحمد ربنا
وتقول الحال عال العال
وناس معاها الكنوز
وتشك بضيق الحال
المواقف بس بتظهر العم والخال
وممكن الخيانة تيجي
من واحد للأسف
ماكانش يخطر على البال
وصاحب يفرج ضيقتك
لو الزمن عليك مال
وصاحــــــب يزيد الهم
ساعة الإقبال
وصاحب تشوفه تتجدد الأحلام
وصاحب يحطملك كل الطموح والأمال
خليك شديد يا ولدي وهز في الغربال
متخليش معاك
غير الأصيل وابن الحلال
وخليك دايما كريم
واتمتع بحسن الخصال
بقلم ربيع محمود طلبه
تعليقات
إرسال تعليق