البلياتشو.. وليد حسانين.. يكتب...رحلة يوم.
رحلة
يوم
للبلياتشو!!
شُفت الدنيا بشكل جديد
حتى أيامي الماضية بسيطة
مش راح ألِّف واعيد أو أزيد
هكتب إسم وليد و وليدة!!
يوم ورا يوم أفكاري تزيد
والكلمة من فمي سعيدة
هبقى الخال مسعود وسعيد
واعشق تاني الحلوة فريدة!!
بيني وبين الدنيا شجار
كتبوا عني في كل جريدة
مش راح أسلم ولا هحتار
هبدأ تاني بفكرة جديدة!!
مين القُط مين الفااار
مرة بخيت مرة بخيتة
أنا م الأخر ليا شعااار
إن الدنيا أحلى قصيدة!!؟
جيل ورا جيل أفكار أفكاااار
والأفكار في الأصل مريضة
مين صادق مين المكاااار
دنيا وفيها الكلمة فريضة!!؟
هي الدنيا لينا خياااار
واالا الموت بقا فكرة بعيدة
بين الجنة وبين الناااار
دنيا وفيها عنيد وعنيدة!!!
أنا مش ساحر ولا دجااال
أنا م الأخر عندي عقيدة
إن حياتنا فيها عيااال
خلوا الباقي عبيط وعبيطة!!
أنا واد شاعر أنا زجاااال
عندي الكلمة ليها خريطة
عديت بحور جبال وتلال
وجيت بنصح رشيد ورشيدة!!
لازم تفهم إن العُمر رحلة يوم
لازم تجهز يبقى معاك عدسة زوم
ماشي وسايب مال وهدووم
وااالا الأبعد بحر همووووم
دا مفيش يابني شيء بيدوووم
اصحى وفوق وبلاش تماحيك
في قدامك بحر غريق
ترجع وااالا تكمل عوووم
يوم ماهترحل تيجي الدنيا
تقولك قوووم تبقى ساعتها
انت لوحدك أسوأ صورة
في الألبووم!!!!
زجل
للبلياتشو
وليد حسانين
٢٤/٤/٢٠٢٣
القاهرة مصر
تعليقات
إرسال تعليق