... إنتهى دورك🌻
الكاتب_ الشاعر أ.سامي محفوظ حنا
🍀🍀🍀🍀🍀🍀🍀🍀🍀
إنتهى دورك
بقلم سامي محفوظ حنا
إنتهى خلاص دورك
عودتيني على بعادك
مليت جنونك وعنادك
بلاش تكتري في أعذارك
مالوش لازمه إعتذارك
مابقاش مهم
في حياتي وجودك
أنت نهيتي دورك
مش راح أتخدع تاني
في نظرة الطيبة
اللي في عيونك
وقلبي اللي حولتيه
لحجر مش راح تقدر
عليه دموعك
خلاص إنتهى
في حياتي دورك
من يوم ما قررت
تبعدي وتنسى وعودك
وصورلك كبريائك وغرورك
إنك إله وأنا معبودك
إنتهى في حياتي دورك
بعد ما انكشف
كذبك وخداعك
ندمان على حب حبته لك
وعهد كنت بصونه لك
مستحيل اامن لك
وأصدق من تاني عهودك
خلاص إتعلمت
منك الدرس
وقلبي إندهس دهس
لا عاد يشعر ولا يحس
من كتر قسوتك
وجحودك
خلاص إنتهى
في حياتي دورك
لا أنت إله
ولا أنا معبودك
إنتهى دورك
بقلم سامي محفوظ حنا
تعليقات
إرسال تعليق