الأستاذة.. ميرفت هلال... تكتب..ارضى. .
ارضى
منين الصبر
هيجيني
و انا قلبي
ملآن بآهات
يطول سهري
يطول ليلي
و من الأحزان
مليت في كاسات
بكتب شعر
و بغني وآلامي
مصيرها سكات
يوم و را يوم
بقول أصبر
و اكبر م إلي
عدى و فات
مهو الأحزان
لو تعديها
تفوق منها
مصيرها ممات
و ليلك مهما
هيطوِل لازمله
نهار جي و آت
و ياما في
القلوب ناس
سكنوا
و دلوقتي
هما رفات
هنحزن ليه
و أحزاننا
تعيشنا في
عذاب و شتات
إيدينا لفوق
بندعيله يطيبنا
و في الأفراح
نقوم و نبات
ما كله ع
الكريم هين
و لو هيعوز
يخلي جبل
الهموم
ده فتات
و ارضى الصبر
هيجيلك
و ينزل على
قلبك الرحمات
بقلمي ميرڤت هلال
تعليقات
إرسال تعليق