الأستاذ.. جمال زكي عينر.. يكتب... يا عمر العمر يا عمري.
( يا عمر العمر يا عمري ) :
يا عمر العمر يا عمري
اخلي بين ايديك روحي
واسلم لك جميع أمري
وتطلب م السما نجمه
واجيبها لك
واقول لك خدها يا قمري
يا عمر العمر يا حبيبي
يا عشرة عمري ونصيبي
يا داري بك . . وداري بي
اجيب لك م الهوا نسمه
وتهديني عبير خدك
يطفي ناري ولهيبي
يا عمر العمر يا غالي
حياتي معاك بتحلالي
يا دايما في السما عالي
بتنزل كل يوم عندي
تقدم لي نجوم ليلك
وتسمع مني موالي
يا عمر العمر يا هوايا
يا فرحة عمري وهنايا
ده لما بتبقى ويايا
تنسيني اسى شجوني
وتمسح دمعة في عيوني
واحس بفرحة جوايا
يا عمر العمر يا عمري
يا عمر العمر يا عمري
بقلمي الشاعر جمال زكي عينر
تعليقات
إرسال تعليق