الأستاذ.. جمال زكى عينر... يكتب..... في الشتا يحلى السهر.
( في الشتا يحلى السهر ) :
في الشتا يحلى السهر
ويا النجوم ويا القمر
راح الغي بسبور السفر
وافضل هنا ويا الحبيب
أجمل حبيب واجمل قدر
في الشتا يحلى الهوى
انا والحبيب دايما سوا
نحلم سوا .. نعشق سوا
نهرب لدنيا من خيال
مفيهاش لا علة ولا دوا
في الشتا يحلى الكلام
إن كان عتاب او كان ملام
وإن كان رضا .. آه يا سلام
ويا الحبيب كله يهون
ما دام مفيش بيننا خصام
برد الشتا ويا الحبيب
بيكون دفا بيكون طبيب
نفسي مع نفسه تطيب
بننسى ايام الأسى
ومفيش مكان بيننا لغريب
ليل الشتا دايما طويل
السهرة فيه مالهاش بديل
واللي ينام بخته قليل
بينحرم من الغنا
مع ثومه والطرب الأصيل
بينحرم من الغنا
مع ثومه والطرب الأصيل
بقلمي الشاعر جمال زكي عينر
تعليقات
إرسال تعليق