الأستاذة... ميرفت هلال... تكتب...كلمة واحدة.
كلمة واحدة
طب كلمة واحدة
طمني عليك
قولي باكل
قولي بشرب
و أبدا مش
زعلانة عنيك
قولي دفيان
و متعافي
و لا بردان
و إيدي مش
طايلة تدفيك ؟
كلمة واحدة
قولي فيها
بلدي حمياني
و صيناني
و أنا هسكت
و اطمن عليك
منا مؤمنة
و داعية يحفظك
و لحضن قلبي
يحرسك و يخليك
بس أعمل إيه
غصب عني
مش راح اهدا
إلا ما أكحل
عيني بعينيك
و أطمن قلبي
بشوفتك أو لما
حد يجيبلي
سيرتك
وقتها يمكن
هبطل أبكي
و أناديك
قولي مين في
غيابك هيمسح
دمعتي
أو مين هينور
طريقي و سكتي
طب شوف هقولك
خدلي كده
صورة سيلفي
و لا رسالة بكلمة
يمكن قلبي تكفي
و لا حتى
لنار قلبي تطفي
و الله لو خيروني
لاجي مكانك
و أعفيك
طب كلمة
واحدة تطمن
قلبي عليك
بقلمي ميرڤت هلال
تعليقات
إرسال تعليق