....ساعات🖤
الكاتب_ حسان غانم _يكتب
🌾🌾🌾🌾🌾🌾🌾🌾
ساعات الدنيا تندهلك
في غفله تقوم مطاوعها
فتقسى ع اللي من دمك
في أول سكه بتبيعها
و كام شاطر و كان قبلك
و قال انا عمري ما انا واقع
و لو دامتله هتدوملك
خلينا بس في الواقع
و دور إبليس يلبسنا
فيظهرلك بكام صوره
و يرمي الطعم و يصيدنا
و نفذ خطه محكومه
فمره يحلل السرقه
و مره يحلل النظره
و شعلل بينا نار فتنه
و يقتلنا بإيد بارده
بقولك اوعى تستسلم
فباب التوبه مفتوحلك
لربك وحده و اتكلم
و هوا عمره ما يردك
و سيد الخلق حذرنا
و قال إياكوا و الدنيا
مخفش الفقر يكسرنا
و خاف م الدنيا تشغلنا
فنتافس و نتعارك
و نقتل بعض مش فارق
و نخسر كل شيء كان حلو
علشان دنيا بنتسابق
بقلمي
حسان غانم
تعليقات
إرسال تعليق