عايزه ايه" يابت مني.. بقلم الأستاذ... رفعت العربى التميمي.
عايزه ايه" يابت مني ،
بصتك بتشيلني شيل ،
يارب يخيب فيكي ظني ،
وميكنش عشق المستحيل ،
اوعي تطاوعي فيا قلبك ،
دا شيب الشعر مابعده حيل ،
مايغركيش على الأرض بمشي،
دي الإرادة للعليل ،
فاكره نظارتي لوقاري،
دي لضعف عيوني دليل ،
خطوتي كَتفها عمري،
بقت تتعد بألف ميل ،
راجعي عقلك وانسي أمري،
وحبي اللي في سنك يخيل ،
ولا عاوزه تبكي بدري ،
وتضحي بعمرك سبيل ،
والزهرة اللي قطفها قبلك ،
دبلت من أحضانه ليل ،
اختاري الربيع لقلبك ،
والشوق اللي بعد ويل ،
انتي الحب اللي جاي بكرة،
ولا ألف قلب ليه يميل ،
متعلمتش اكون اناني ،
العمر اللي عدى ملوش بديل ،
_______________________
بقلم \ الشاعر رفعت العربى التميمي
تعليقات
إرسال تعليق