الأستاذ.. رفعت العربى التميمي.. يكتب...بياع الورود.
بياع الورود" قال روح ،
شوف ورد في مكان تاني،
جه قبلك حبيب الروح،
وخد ورد لواحد تاني،
ونا من جوايا بتقطع ،
منا شاهد على عشقك،
ياريت بإيديا كان ينفع،
أمنع حب بيغشك،
وجبت اللوم على وردي،
اللي زادلي احزاني،
حلفت عليه وكان وعدي،
ما ابيعه بعد مبكاني،
مجرب حب من قبلك،
هديته الورد ولا جاني،
سألت عليه قالو سابلك،
مكتوب بيقولك إنساني،
وذنب الحب ده ذنبك،
مش معنى الورد تهواني،
قبلت الورد مش قلبك،
وقلبي حالف ما يعصاني
نصيب الحب جه قبلك،
وبروحه ليا اهداني،
خليك سارح مع وردك،
واترك ورد اغصاني،
جاي انت تعيد ماضي،
حالف يوم مينساني،
قطف الورد على الفاضي،
بيزيد جوايا نيراني،
ـــــــــــــــــــــــــــــــــــــــــــــــــــــــــــــــ
قصه في قصيدة بالعاميه
بقلم / الشاعر رفعت العربى التميمي
تعليقات
إرسال تعليق