...انا وصاحبي🖤
الكاتب_الشاعر جمال عينر يكتب
🍃🍃🍃🍃🍃🍃🍃🍃🍃🍃
( أنا وصاحبي ) :
إنت ظالمني معاك يا صديقي
أحلفلك وابصم بالعَشَرَة
عمري ما اخون صاحبي ورفيقي
ولا افرط في العيش والعِشرة
ليه تفكر فيا بسذاجة ؟
عمري ما افكر انا كده فيك
وحكايتك ماهي ماشية ألاجه
وماشية الفرخة ويَّا الديك
يعني الدنيا جميلة وحلوة
مُرَّها ليَّا .. وحِلوَها ليك
ليه بتجيب الحق عليا ؟
انا ما غلطتش ابداً فيك
يوم ما عرفت إنها بتحبك
انا ما حاولتش أدايق فيك
علشان عارف إن انا صاحبك
تراعيني ولازم اراعيك
واللي انا كنت شايفها حبيبتي
صَبحِت اختي وصارت ليك
يعني خلاص ما بقيتش حكايتي
يبارك ربنا فيها وفيك
ورغم إن انت بتقسى عليا
انا برضه اللي بحايل فيك
ده انت حبيبى وضى عينيا
علشان كده انا جي اراضيك
لو تسمحلي حبيبي ياخويا
ابوسك بوسه ف نن عينيك
فرحك فرحي حبيبي يا صاحبي
كفايه عليا أنا فرحتي بيك
بقلمي الشاعر جمال زكي عينر
تعليقات
إرسال تعليق