الأستاذ... محمد عبدالحميد السيد.. يكتب... خليك في حالك.
خليك في حالك
من سنين وانا بكتب خواطر
وشعر لكل الناس اللي أنا واحد منهم
البسطاء والعوام
بحكي عن حالي وعن أحوالهم
مهو احنا عايشين في مركب واحدة
زي بعضنا تمام
بيفهمو كتابتي وبيحسو بوجعي
من مجرد سطرين صغيرين كده
وشوية كلام
كتابتي فيها واقع حياتنا
أفراحنا ودموعنا مفيهاش
كذب ولا أوهام
أما الناس اللي عايشين في العالي
لا هيفهموني ولا يحسوني كاني
بغني او بكتب قصص وأفلام
وبقول للناس دول ابعدو عني
انا مش شاغل بالي بحد
ولا وانا صاحي ولا في منام
هافضل اكتب للي فاهمني وبس
اللي حاسس بكل كلامي واقول
للباقي ابعدو عني يلا سلام
بقلمي محمد عبد الحميد السيد
جمهورية مصر العربية
تعليقات
إرسال تعليق