د... علي مسلم عجمي... يكتب..المرأة و.. الخيانة. .

 (المرأة. و ..الخيانة.)  للشاعر د. علي مسلم  عجمي 

-----------------------

طالما حَبتك ليش إنتَ تخونها

حافظ عليها و احترمها و صونها 

بحب ليلى انجن قيس العامري

و بحبها إلك خَلَّتك مجنونها 

يمكن بكلمة ناعمة معها تصير

حُبها و من جفنها تجبلك سرير

بس أوعا تخونها.. رح تتركك

و لو كنت كل الأرض فارشها حرير

ممكن المرأة تغض نتفي بالنظر

و تطنش بهفوات لو منك بَدَر

لكن عليها تحب مرأة ثانية

و تخونها. توقع أساليب الضرر

ان حبتك بتطلعك سابع سما

و بتفهم عليك و لو بتحكي بالوما

لكن حذاري عا كرامتها تدوس

و تعمل عليها ذكي إمّا تِظلِما

ما تضحك عليها إذا قلبك قَسَى

ما سمعت عن كيد النِّسا الما بينتسى

مهما يا شاطر بالذكا تعمل فهيم

بتفشل ألف مرة عند كيد النّسا 

ان غضبت عليك المرا بدك يا حلو

تصللي الجمعة.. السبت و بدون الوضو

إلاّ الخيانة ما بتغفرها المرا

و باقي ما بقّى بالذكا بتتحملو

طالما ناوي تعيش عمرك مع مرا

راكزة. و متل الكتاب بتنقرا

المرا متل الجوهرة بأغلا ثمن

حافظ عقيمتها تا تبقى جوهرة

الشاعر… د . علي مسلم عجمي 

لبنان