.....شعاع الشمس🖤
الكاتبة_ زينب سليم احمد_
🍃🍃🍃🍃🍃🍃🍃🍃🍃
{{ 🌤️شعاع الشمس🌤️ }}
==================
شعاع الشمس . . بيصبح
وورد قلوبنا . . بيفتح
ياليل أحزاننا قوم روح
ملكش خلاص مكان بنا
يانور بيشق قلب الليل
ينسينا العذاب والويل
ويزرع فينا كل جميل
وبيخلي التراب . . حنة
يانور جوانا . . يهدينا
ومركب شوق م عدينا
على الافراح . . يرسينا
عشان نفرح . . . ونتهنى
يانور بيداوي أوجاعنا
ويهزم ليل . . بيخدعنا
وبالأشواق . . . يجمعنا
وعمر طويل بيستنى
يانور بيمدنا بطاقة
عيون م الفرحة براقة
لأحلى بداية مشتاقة
أملها تنول . . . ما تتمنى
يانور يعزف على الاوتار
يبدل تلج روحنا لنار
بلمسة خريفنا يبقى خضار
وبيعيشنا . . . في الجنة
====================
بقلم/ زينب سليم أحمد ✍️
تعليقات
إرسال تعليق