الأستاذة... ميرفت هلال.. تكتب...ياريت.
ياريت
أغالب في
هواك روحي
و روحي لأجلك
دايما بتعصاني
و يوم ما أبعد
و اتمرد
حنيني إليك
يفوق طاقتي
و إمكاني
وافكر في إللي
كان بيننا
يحن القلب
و يجيلك
يعيد القصة
من تاني
لا قادر تفهم
طباع قلبي
و لا تخفف
من أحزاني
أغالب في
هواك روحي
و يرفض عقلي
تكون قيدي
و سجاني
منين ما بروح
أشوف صورتك
و اسمع صوتك
يناديني يقولي
إنك بتهواني
ياريت تمشي
ف طريق قلبي
و اوعى ف يوم
تضل عنواني
رضيت تكون
ملاك قلبي
ونصبتك عليه
قدري و سلطاني
ياريت تفهم
أنا وردة
في بستاني
لكن لو تقطف
ربيع عمري
راح اهجر
و مش هزعل
و عطري هيفضل
يفوح في
كل أركاني
بقلمي مرڤت هلال
تعليقات
إرسال تعليق