اتحدى نفسك.. بقلم الأستاذة.. منى شحاتة.
(( اتحدى نفسك ))
بقلمي ((منى شحاتة))
جمهورية مصر العربية
كتير بنفكر إننا بنحب
ونأكد كمان على أنه حب...
ونعيش فيه ونحلم
ويكبر الحلم ويكبر...
لكن فجأة....من غير
مقدمات تلاقيه
اختفى ...ومات..
وتسأل روحك إيه السبب
تلاقي أنك كنت عايش
مش بس نايم...لا
أنت كنت في ...سبات
سبات عميق ومتخدر
تصدق متخدر بإيه
بشوية...كلمات
كلمات ملهاش معنى
لما تسمعها تلاقيها ...
أغنيات
أغنيات متلحنة تلحين
ببراعة وتوه ويا...النغمات
نغمات تشجيك وتمتعك
شوية...لحظات
لحظات تعيشها في
خيالك وبعد ماتفوق
م التوهه تنتهي ...الفقرات
فقرات واضحة المعالم
وترجع بجرح كبير وقلب
مليان ... آهات
آهات الندم مش عليه
لا ندم غباءك لأنك
صدقت شوية ...كلمات
كلمات بنيت عليها في
خيالك ...قصور
بنيت وعليت في أماني
وزرعت حواليها...زهور
زهور رويتها بمحبتك
الصادقة البريئة لكن مهما
رويتها ولو...ببحور
طول ماالشمس غايبة
عمرها ماتعيش ف الظلام
لازم لها...نور
ومدام النور مش واضح
ليه تعيش فى الظلام وتلف
حوالين نفسك...وتدور
لكن اوعى تيأس
في يوم وتكون...مكسور
قوم واقف من جديد
واتحدى نفسك أكيد
هتكون في يوم...منصور
تعليقات
إرسال تعليق