الأستاذ... يحيى حسين.. يكتب... عصفور.
عصفور
بقلمي يحيى حسين
صاحبت زمان عصفور
تاريخ ميلاده ميلادي
وليف وكل يوم بيزور
حتة من نبض فؤادي
ياما غنالي بمواله
بس اللحن مش شادي
لحن غناه دمعة تقول
الآه بس الآه محبوسة
عن أم ماتت و سابت
وراها جنية مدسوسة
بومة و لها وشين
لوشه ظلام الليل
ولوش أبوه قمرين
ما أبوه دفع مهرين
ولاجل عيون البومة
عصفوري داق مرين
مر أمه اللي ماتت
وراحت عنه بعيد
ومر عيون البومة
وصوتها كله وعيد
علشان كده عصفوري
كان لقلبه وشوش
قلب بلون السواد
كان بالعذاب مرشوش
وقلب بلون السحاب
فجر بصبح بشوش
ولما يطلع صبحه
ألقاه بقلبه يجيني
يرمي كل القلوب
وييجي بقلبه شاريني
يحكيلي عن جنانه
لما يغني نشاز
ومرة عن أحلامه
وحلمه وآه لو فاز
عن ام وحورية
واقفين بعيد في مفاز
وتملي ختام كلامه
دا الحلم صعب وشاذ
يا هل ترى أحلامه
قابلها بعد الموت
ما فضلش باقي منه
إلا ضجيج لسكوت
وريشة بيضة مزهرة
لسة بياضها في إيدي
كتبلي بيها الحلم
دفنه هنا في وريدي
حلمه يكون عصفور
وجنة وزهر وحور
جنة ما فيها صقور
أنا شايفه هناك بيطير
عمال يلف يدور
يحيى حسين القاهرة
27 سبتمبر 2020
تعليقات
إرسال تعليق