الأستاذة... نجوى حسيب.. تكتب... (سلم لي على الحبايب).

 (سلم لي على الحبايب)....

.

سلم لي على الحبايب اللي حاضر واللي

سجل في يوم غياب....

.

وقطع الصورة اللي نقصت أهل وقرايب وكمان صحاب.....

.

فيهم اللي الحياة خدتهم وفيهم اللي بمزاجه غاب...

.

وفيهم اللي فارقنا فجأة كأنه ملح في بحر داب....

.

.لو اتسألت قول ماعرفش..

لو فكروك قول مافتكرش...

وتعالى نحط فاصل بينا وبين اللي من بعد العشرة خاب...

.

وارسم دايرة كبيرة وحط فيها اللي ماينفعش يبقي منك واللي في يوم لسيرتك  جاب.... 

.

واتكلم يالا بصراحة وكفاية هزار وسيبك من اللي اتنمر و

اللي عاب ...

.

 وافتكر اللي كان الجوع يجيبه  ويمشي وهو معبي الكرش

ويطلب ويقولك عاوز كباب.....

.

 واللي كان فيك طمعان وأنت غني و معاك قرش يمكن شايله ليوم هباب....

.

 واللي وقت البرد كان محتاج منك

دفا وغطا و فرش بعد جسمه من البرد شاب....

.

واللي كان من نوعه عبد وأنت خليته ملك على عرش واتمنظر عليك ونسي إنك في يوم كنتوا فيه أهل وصحاب

.

 كل دول لو خانوا يبقوا من النوع اللي خسارة  فيه الخير وببساطة إقفل  في وشه ألف باب ..

.

وماتحزنش على حد فاتك واعرف 

غيره بأقصى سرعة ما إحنا زهقنا من العتاب...

.

 وماتندمش ماهو الناس  في الدنيا ياما وليه تبقي عليهم

اعمل لنفسك كرامة ماهو مش من قلة الصحاب...

.

بقلمي 

نجوى حسيب