الأستاذ.. شريف الرومي.. يكتب...مصر.
مصر
بص في كتاب المطالعة
تلقي شمسها لسه طالعة
مهما حاولوا يطفوا نورها
برضه روحنا ليها راجعه
مصر اسم تلت حروف
كله في رحابك يطوف
مهما قل في يوم مقامك
برضه تتحدي الظروف
مصر نورك مستحيل
يهزمه الليل الطويل
مهما حاولوا يوقعوكي
انت صامده ع العويل
انت بيتنا مالينا غيرك
احنا لحمة كتافنا خيرك
مهما نبعد او نغيب
كلنا عاشقين لنيلك
شريف الرومي
تعليقات
إرسال تعليق