......ما عاد🖤
الكاتب_ الشاعر رفعت التميمي
💫💫💫💫💫💫💫💫💫
ماعاد الكلام في الحب..
معاك موصول ولا نافع،
بقربلك تزيد في البعد،
وتجرحني بدون دافع.
ورغم هان عليك الود،
إن غبت لحظة بتجنن،
ولا عيوني تشوف النوم،
قبل ماعنك اطمن،
وانت في توهة مش سامع.
قول لقلبك القاسي،
ينساني بقى علطول،
اللي ماراعى إحساسي،
ولا شفت بحياته قبول،
ولحبي عمل مانع.
ياخسارة دموع الحب،
وكلامي اللي كان معسول،
وقلبي اللي بهواك انهد،
راح يبعد وبعده يطول،
لا عليك راضي ولا شافع.
والله عمري ما هسامحك،
ولو جيتني بتتحايل،
منا العايش على جرحك،
ونفسي عليك بتتمايل،
وكنت عليا تتلاوع.
لكن كنت انا الغلطان،
فكرت راح اغلى عليك،
طلع وصلك لغيري قضبان،
وقلبي تاه واتعلق بيك،
وكان عشقي بهواك جامع.
ماعاد الكلام في الحب،
معاك موصول ولا نافع،
بقربلك تزيد في البعد،
وتجرحني بدون دافع.
ــــــــــــــــــــــــــــــــــــــــــ
بقلم / الشاعر رفعت العربي التميمي
تعليقات
إرسال تعليق