بنت النيل.. بقلم البلياتشو.. وليد حسانين.
بنت
النيل
للبلياتشو!!
حبيبتي بتحب الحياة شمس الشموس حُبها
والحُب نوره إله غار القمر منّها
وقال كلام محلاه ليها ول للي في سنها
العُمر أصله أداة لابس تمام زيها
وتجاربه فيها لُقاه تلقى الدموع بعدها
بره العيون مرآة تُحضن حنان ودها
والود بر نجاة رجعت حبيبتي وحدها
زي بياض ممحاة والآه مِن ثغرها
نورها ك نور مشكاة!!!!
رسم القلم (قدها) والرسم كان ( لله)
مين في الفؤاد (أدها) حتى الصدى (غنّااااه)
شهدت عيون الناس قالوا كتييير عنّها
فيها جمال إحساس حتى الورق حبها!!!!
ملامحها بدر بدور مشاعرها جنة وحور
تُملك بساط مسحور والنظرة منها (حيااااة)
اه ياحلم الليالي (بنتي) وحُبها غالي
جوري ونرجس وكادي سبحان من (سوااااه)!!!!
أصل الجمال ألوان وجمالها نور رباني
عين القمر غزلان حفظك ربي في(عُلااااه)
بعت الهوى مراسيل ذكرى الزمان والأماكن
فكراني (بنت النيل) ولا تكون نسياني!!!!
ضحك الخدود قناديل والدنيا ليل ع الجاني
والصدق لينا دليل والكذب عاش وحداني
يا ورد فصل الربيع عطر الزهور في المزاهر
انتي الجمال البديع شوق الشعور للمشاعر!!!!
والمشاعر هي هي والكلام بقى مني ليا
وانتي فين يا نور عينيا واخدة موقف ليه عليا
اللي قالوا بعدوا عنا سيبك انتي من اللي راح
الأمل في البعد غنا إنه بلسم للجراح
عارفة انك انتي جنة انتي بوابة البراح
والفراق رغم انه بينا قلبي بيقولك سماح!!!!
شعر
عامي
للبلياتشو
وليد حسانين
٢٥/١٠/٢٠٢٢
القاهرة _مصر _
تعليقات
إرسال تعليق