....الضمير🖤
الكاتب_ الشاعر د. علي مسلم عجمي
💫💫💫💫💫💫💫
((الضمير)) للشاعر د. علي مسلم عجمي
---------
إذا بتحب تشعر بالسعاده
الحقيقية و إلك فيها إفاده
موجودة بضميرك.في ضميرك
سعادة كاملة بعزم و إراده
عند ما تنام متهني بسريرك
و إنت مرتاح في نومك و هادي
لأنو بشغلك مـريِّح مسيرك
هادي البال واقف عا حياده
اللي بيضحي بضميرو عن جهاله
كرامة حلم بالواقع خيالي
متل الحرق صورة تا يمتّـع
بغبار رمادها عين الرذاله
الرجَّال الحقيقي ما بيسمِّـع
إذنو غير أصوات العداله
و ضميرو بصوتها واضح مبدّع
و طريق الحق ماخذها رساله
شغلي بيوقف نْشاطو و زفيرو
ضميري عند ما يبلش مسيرو
و عند ما يهدر بصوت الحقيقه
و هدير الرعدأضعف من هديرو
الضمير الحي أبعادو عميقه
الكرامة و المبادي من عبيرو
ما بيغيب من راسي دقيقه
و لا واحد قِدِر مني يستعيرو
لغسل الثوب بتلاقي طريقه
و ضميرك صعب تغسل له حريرو
الضمر بكل أقطار الخليقه
العدل نهجو و شريانو أسيرو
الضمير النور و جناحو الطليقه
(بوصلة) الهدى دربو تنيرو
متل قاضي موثقها وثيقه
أحكامو بعدالة الحق فيها
و أبد ما رح يسخِّـر ضميرو
الشاعر د. علي مسلم عجمي
لبنان
تعليقات
إرسال تعليق