الأستاذ... علي عبدالرحيم محمد.. يكتب...عم فتحى.
عم فتحى
٠٠٠٠٠٠٠٠٠
عم فتحى بتاع البطاطا
بياكل ويشرب البساطا
وبيهرب من الغلاء والغتاتة
وعوزة الايام بنت الشحاتة
ب الزهايمر اه وشلل التفكير
مش عايز من الدنيا
غير الستر والصحة
والدنيا بنت الفانية
قالت دا ع الفقير كتير
يارب ارحم عبدك الفقير
خلاص عقلي اه هايطير
كل ما أقول الشمس هاتطلع
ومن الفرحة العين هاتدمع
سواد الليل الطويل يسمع
ويقول ابدا ابدا مافي تغيير
يارب ارحم عبدك الفقير
ابن الوزير وزير
اه وابن الغفير أجير
وابن الأصيل فقير
ويا ألف آه مكتوب على جبينه
يعيش سنينه مكسور للحقير
خلاص عقلي هايطير
يا رب ارحم عبدك الفقير
القميص داب وبكى
وجري للزبال واشتكى
وانا لسة جايبه من سنين
بطلوع العين
من وكالة البلح
والواد ميمي ابن ام ميمي
ملابسه من باريس وراكب الشبح
خلاص عقلي هايطير
يا رب ارحم عبدك الفقير
البنطلون كل يوم اخيط فيه
ف يوم صحيت من النوم مش لاقيه
فين يا أمة البنطلون اه
قالت عملتله لفه ل ابن ام عبير
ابن الوزير وزير
وابن الغفير اه أجير
وابن الأصيل فقير
خلاص عقلي هايطير
دا كتير علينا يابلد كتير
يارب ارحم عبدك الفقير
بقلم على عبدالرحيم محمد
تعليقات
إرسال تعليق