الأستاذة.. ميرفت هلال.. تكتب..أنا وحشاني.
أنا وحشاني !!
صحيح وحشاني
ضحكتها و براءتها ...
وصوت بيرن في
الجدران برقتها ...
و بسمة تفرح الزعلان
دي بسمتها ...
و قلب كله خير
و سلام لدنيتها ...
حقيقي وحشاني
نفسي بطيبتها ...
بعفوية و حرية
فراشة تلون
الدنيا بطلتها ...
سحابة حزن غطتها ...
تزيحها بكل
قوتها و حدتها ...
لكن اديها النونو
مش قادرة تفرحها ..
و سايبة الدنيا تجرحها ..
تمرجحها ...ف يوم عالي
و يوم في الواطي تدبحها ...
وحشتني و الله نفسي
زمان بأفراحها ...
و مهما هقول
لا عمر الزمان يرجع
و لا الضحكة
اللي مرسومة بالألوان
هترد فرحتها
و لا الكحل
اللي في عنيها
هيرد دمعتها
خلاص فات الأوان
وراها القدر ألوان
دايما حافظ لسكتها
و مهما زود في الحمول
لو دورت جوايا
أكيد هلاقي نفسي زمان
بضحكتها و براءتها
بقلمي ميرڤت هلال
تعليقات
إرسال تعليق